|
|
File Catalog
სულ კატალოგში მასალაა: 13
ნაჩვენებია მასალა: 1-10 |
გვერდები: 1 2 » |
|
ნარღი
ვახტანგ ბერაძე
ლერს ვამჭარუ მარგალური,
თეშენ გური მანგარუნი!
ასე მიჩქუ, ჩქიმი დიდა,
ცოდა მიღუ მუშ მადიდა!
მარა მობრდეს მა თინერო,–
(თე ქიანა მათინენო)
თინუ მურდუნ ვამოგურეს,
მათ ვამფირქებ თეშა, ღურელს!
ასე გებგი, მურე რინა,
მუ ტომბა რე ჩქინი ნინა!
სი რექ ჩქიმი სკვამი დიდა,
მუ ჭიჭე დო მუშ მადიდა!
მარაგადე მეტი მუთა,
სქანდე ბძირი ბჟა დო თუთა!
ანწ მუ ფთქუა, ჩქიმი ღურა,
ვაგმანჭყორა, ვადმენდურა! |
მარგალური ფაცხა 2005წ. ლ. მალანია მოსკოვს ართიფაცხა ბძირი,
სახელ ჯოხოდ ''ლაკადა''
მინიბლი დო გიბჯინიო
სიმართლეს ბრაგადა,
სამარგალოშ ოცქვაფურს
ქორაგადანდ თამადა.
კიდას ნაბად ქიმკობუდუ,
ველუნდ ბაბუშ ლეკური,
კუნთხუს ნაბად ქიმკობუდუ,
შქას ლაგვანი მეფური.
თეურე ხერკეთ ქეშმურუდეს
ნოშქერჯგუა ადესა,
უხვამურო ვეტენდეს
მოჯგირე დო ნათესეს.
წკირს მოგაფილ თუ დო ქოთომი
შხურშხინუნდუ მარგალურო,
კუმაქ ტოლს ქუმომფერუ,
გურქ მიდამირთ უჭკომურო....
ხომლა ყვალი დო კუპატეფი
იწონუანდ დუსუ ცხვინს
ლაკადური ჭითა ზაფანა
იშო გეითორჭუნდუ ჩხვინს.
სუფრას თეში ამშვენენდ
მარგალური სადილი,
- ლეჭკერე დაძმარებული დო
ჯგირი ლებია ზადილი ,
ელარჯი, საცივი, ჭვიშტარი დო
ღუმუ, ჯგირი დოგაფილი,
შხურშხინაფილი თუში ხორცი,
თინა ყომურს გეწაწაფილი.
კიციშ ჩხე-ჩხე ხაჭაპურეფი
მილმანდღულუდ თეში პის....
მარგალჯგუა პიჯიშ გემო
შურო ქუღუნო მითინს.
მუში მასქვამათ იბირდეს
''ფაცხა მიორს მარგალური''
ქუგუგალეთ მარგალეფი,
მუჭო გამიხარით გური
მუმეწონ ''ლაკადაქ'''
ირფელ ჯგირ დი ირფელ სქვამი,
––––––––––––––––––––––––––––––––––– |
ქეთი თონთუა
ბაბას ვაგვანჭყორათ დონანა ვემიმდურუათმარგალურო მარგალეფქკითხირი ქიდიბგურუათჩქინი აზრეფი დობჭარათართო აკვოკათუათ.ვარა შორშა ვამალნენა''ჯანსულოშ'' სხაპუათ |
|
|
